From a distance

Lisud jud kung lagyo
pirme lang mingawon
wala ka kuyog pirme
wala'y uban-ubanon
usahay, laay man gud
dili kanang hinapyaw ra ha
laay tungod sa kaguol
tungod sa kamingaw
tungod sa paghandum
mynta sama ra sa pagkaon
na sa tiyan dali hilison
apan ang kamingaw dili man pagkaon
asa kaha ni gikan noh?
gikan sa diaphragm?
gikan sa kasing-kasing?
sa huna-huna?
wala gayod ako kabalo...
ang kamingaw mopatigbabaw bisan sa damgo
bisan sa pagdagan, paglakaw
bisan asa naa kini
mokalit ra tunga bisan sa kalipay
mosamot ug dako sa kaguol
sa kagutom, ang tiyan
sa pagkaon mingawon
siguro tungod kay tawo pirme adunay kulang
sa kakuwang adunay paghandom
paghandom na ma kompleto
apan aduna sa'y panahon na ang taw dili mingawn
wala ko nag-inon na sa kanang tungora
ang taw kumpleto
ug wala na nagkinahanglan pa ug pagpuno
ambot ug ngano kaha.
mao ni naka-apan aning mga balatian
tunga sulpot lang
sa bisan unsa na oras, walay gi-ila
mao gurong kinahanglan jud ang taw kusgan
para sa mga ingon ani na panahon,
adunay kusog na isangka
para ang taw dili mapilde sa iyang kaugalingon balatian
lisud man kini
wala jud ta'y mahimo
kundi ang pagpadayon sa pagpuyo
kay ang taw nabuhi sa pagsakripisyo
kada adlaw kita naga-ginhawa
hangtod kanus-a, walay nakahibalo
maong bahla na ang kamingaw
ma kaya ra man
ang pagtudlo sa kaugalingon
na magpabiling kusgan
inubanan sa pag-ampo
ug sa paglaum na mamaayo ra ang tanan
kun kani gibitbit sa kinsa mang taw
siya ang labing bulahan